bloggityblogs

Aba at nakakamiss pala ang magsulat. Kaya eto na naman po ang inyong lingkod nagsusulat ng kung ano anong pwede ninyong gamitin sa kalokohan, o kung may matutunan kayo ay gamitin na rin sa katinuan. Nag-hahanap ako ng maiisulat para sa aking blog sa http://chocolateword.net. Kung napadaan kayo noong isang linggo makikita ninyong puro numero na ang nakalagay roon. Pwede nyo nang i refresh ang browser ninyo at lalabas na ang lucky number ng susunod na panalo sa lotto o kaya naman itaya nyo na rin sa Jueteng. Kung wala talagang panalo ay sa tong its na lang.

Babala lamang po na ang mga panukala sa mga babasahing ito ay di dapat seryosohin.

OkeDok magbalik tayo sa mga usapang Friendster. Nagdagdagan na naman ang aking friendslist ng isang nakakilala ko sa pag blog blog na ito. Agad ko siyang iniadd dahil may bayad na sa susunod na linggo ang pag-aadd sa kanya. Sa dami ng kanyang mga fans, baka kako ay may entrance fee na bago ko pa lang makita ang isang hibla ng kanyang sotana. Ay napakabait nang taong ito. Walang mahirap, mayaman, mapayat at ako–mataba syang sini-sino. Sino ba siya? Tingnan nyo po ang pinakabago kong dagdag sa friends. Sa December 8 ang bagong launching ng career nya dito sa blogosphere.  Siguradong Platinum album ang OPM niya.

Mga anunsyo muna mga kasama:

Dahil mahilig talaga akong maki-usyoso sa mga larawan ninyo at mga updates sa aking My Connections-Friends eto po ang mga napansin ko sa mga nakaraang araw.

1. Carissa–kamukhang kamukha mo ang iyong bulilit. Sigurado akong magiging intelehente rin siya kapag lumaki na siya. Carissa, natatandaan mo ba nung mag-first communion play tayo? Ikaw si Mary at ako si Elizabeth? Grade Wan ata tayo noon. At lagi tayong nauutusan ni Mrs. Pabellano na mag-dala ng sandwich kay Imee. Tama ba ang pangalan ni Imee?

2. Kadaragdag ko lang ng ever beautiful na si Hazel B. sa aking friends list. Kaya mga taga-sacre diyan na may secret crush noon kay Hazel, narito siya sa aking Friendslist. Hazel, kumusta ka na? Mayron tayong YahooGroup para sa Neons. Check mo lang ang isa sa dalawa kong sinalihang grupo dito sa Friendster.

3. Kuya Roman–Talaga namang pinagpala ang mga konsyerto na ginanap kamakailan. Sana ay nakapunta ako at nakilahok. Sa susunod na uwi ko ay titiyakin kong may event kayo para naman maki-attend rin ako diyan. Sana ay higit kang pagpalain sa iyong mga gawain para sa Panginoon. Lagi rin akong nakikidalaw sa iyong mga sulatin sa iyong blog.

4. Kenneth R. B. Aba ay ikaw ba yan? Pang model na ang dating natin sa iyong profile pictures ah. Pwede na yan sa Hugo Boss na Tarpulin sa kahabaan ng Edsa.

5. Dennis A. May email ako sa iyo. Natanggap mo na ba?

6. Gerlon, kasama ba sa training manual ng Philhealth ang ilang oras sa shooting range? Insurance policy ba yan laban sa mga magnanakaw?

7. Congratulations Joy, ngayon ko lang nalaman na expecting ka na pala. Kailan ka due? You are beautiful and glowing in your pics. God bless on the Day!

8. Kumusta ang panganganak Dangster? email mo ako dito sa Friendster dahil gusto kitang kumustahin at maki-usyoso sa mga mga bagong balita sa inyong bagong pamilya.

9. At ate Sally, ano ang iniinom mong gamot? Makabili pala dahil walang bahid ng pagtanda ang mga pictures mo. Ang ganda pa rin ng buhok at ng ngiti mo. Ano ba ang sikreto mo para mai-blog ko naman.

10. Sonia, mabuti na lang pinaunlakan mo ang aking pag imbita ng pag add ng friendster noong unang panahon, ngayon ay sikat na sikat ka nang modelo kaya pa awtograp naman diyan. Binisita ko ang model page ng kumpanya ninyo at ikaw ang by far the prettiest. Kaya palibre naman diyan ng sagolites pag nagkita ulit tayo sa Sariaya, iyon ay kung makakalampas ako sa sandamukal na mga body guards at entourage mo.

Sampu pa lang po ang ating Friends’ Highlight of the Day. Wag magtampo kung di ko nailagay ang inyong pangalan. Siguradong may notasyon ang inyong mga profiles dito sa maliit po nating blog. Hindi dahil may naunang sampu ay iyon ang aking preference. Random at yung nakuha ng aking short attention span ang mga naisulat ko. Hala kayo, ikaw na ang susunod. Abangan ang susunod na kabanata.

Napadpad ako sa kahabaan ng Brewster Road kahapon bitbit ang isang kahong pang alta-dyabetes na mga donut para sa aking mahal na asawa. Aba naman po, at nagkakabuhol buhol na ang mga sasakyan sa kalye. Di dahil nagkabanggaan na ang mga bus at dyip sa kalye kundi may malaking trak na punong ng mga ilaw na isinasabit sa bawat poste mula bayan sa silangan hanggang kanluran. Aba at pasko na pala. Di ko namalayan dahil sa dami ng mga kabalbalan kong gawa dito sa pag blog blog na ito. Kung itanong mo nga sa akin kung anong araw ba, ay di ko na alam. O kung maaga ba o gabi na ay di ko rin sigurado. Ang tanging nalalaman ko lang ay kung kailan magpapadede ng bata at kung gutom na ang mga pasal kong anak dahil si Mommy ay nasa kompyuter na parang bruha. Di na nakakasuklay ng kanyang buhok.

Speaking of buhok, buhok, wag na nating pag usapan yan. Wala na akong oras mag-pakulot para sa Filipino Christmas party dito. Wala na rin akong panahong magpagupit, at mag-ahit ng bigote. Teka teka. Wala naman akong bigote, medya medya lang. At wala naman akong laban sa mga nag desisyong mag-bigote, ma-lalaki o babae ka man. Kung sa babae, ok lang basta wag lang kasing tigas ng steel wool yang nasa baba nila. kung lalaki naman wag naman pong gayahin si Santa sa kanyang kahabaan ng balbas. Babala lamang, mainit init pa rin dito sa atin, baka magimbita ng surot at kuto ang mga bigote natin dyan.

Kaya ang aking payo sa ating lahat, kasama na ako dyan ay maging presentable po tayo sa darating na halalan, este sa darating na Araw ng mga Patay, ay sa darating na kapaskuhan pala. Wag gayahin ang di ko panunuklay. Mag-laba at magtiklop po tayo ng ating mga damit. Magpalis at magwalis ng buong bahay para naman kung magsabit tayo ng parol ay di magmukhang Halloween haunted house na puno ng agiw. At isa pa ay Mama-lantsa at mag-almirol ng ating mga maayos pang mga damit. Kahit na di bago at medyo noong isang taon pa ang estilo ng ating mga damit, ok lang yon, basta’t malinis at mabango tayo habang nag-caroling o kaya nahingi ng aginaldo.

Saka na lang tayo magpagupit at bumili ng bagong get-up sa Divisoria kapag naipon na natin ang ating mga aginaldo. At kung ako lang ang matanong ano? Sa December 27, hanapin nyo lang ako sa bargainan at ukay-ukay sa tabi tabi riyan. Solb na ako ron.

Sa wakas, nakipagbalikan na ang aking Friendslist sa inyong mga Friendslists. Akala ko tuloy ay tuluyan na silang maghihiwalay at forever nang diborsyano gaya ni kuya Pip at ate Guy. Ano na ba ang mga bagong balita sa inyo. Tila ba naman ay napakatahimik ng comment section dito kundi lang sa pambubulahaw ng ilang mga blogspam ay tuluyan na akong mababaliw. Pero alam ko naman pong may nagtyatyaga paring basahin ang mangilanngilang post na inilalagay ko rito. Kahit na ito ay isang malaking basura lamang sa inyong mahalagang mga oras.

Bueno, eto ang aking latest na mga katanungan na nagmumula pa sa ataul ng ninuno ko sa tuhod. Alin bang pampaputi ang ginamit nyo noong panahon ng Hapon? Aminin! Wag ikaila na gaya nyo rin akong force ang beauty na pumuthe. Ay sus ginoo, wag na kayong mahiya, pareho naman tayo day. Wag kayong maging others.

O ayan na ang mga pagpipilian,

• Pond’s whitening cream. Nasa pink na pakete na pwede nating bilhin sa kapitbahay na tindahan. Kahit nga ilista na lang muna (utang) para lang di umabsent ang crema de fruta na para sa ating mga bakukang. At hanggang kailan ko ba pipigain ang paketeng halos mapahi na ang mga sulat sa labas dahil sa kapipiga?
• Papaya. Ay inang, hindi yung nasa puno ng papaya, yung matingkad na orange na sabon na kapag natapos ko nang banlawan sa aking mukha ay parang napainstant face lift na ako dahil natuyot na ang balat ko at na stretch na nang husay.
• Perla. Bautista. Ay ano ba yan. Mali mali na. Sino ba naman ang hindi makakalimot sa mga ilang, “sensitib kasi ang mukha ko kaya Perla lang ang pwede rito.” Kapag ikinuskos ay talaga namang pagkakapal kapal ng bula sa mukha at kapag binanlawan ko ng tubig ay namumuo na ang mga libag sa lababo na nakuskos mula sa ating mga mukha.

May idadagdag ka ano? Amenen. Wag mong itago yan, baka atakihin ka sa atay.  

to be continued…

Tags: Friendslist, Perla, Pond's Whitening

Pagkatapos ng malaking pagkabagabag ko sa pagkawala ng ilang Friends dito sa Friendstersphere, muli na itong nagbalik pagkatapos ng ilang araw na maintenance sa network. Mabuti na lang. Sayang rin ang mga pinaghirapan natin ano? Maliban doon, ito lang ang paraan ko para maka-contact sa aking mga kaibigan. Dapat kasi hinihingi ko na at ni rerecord sa papel ang mga email address ninyong lahat–katok sa ulo!

Siguro nga ay social networking obssessed na ako–ilang S ba ang pwedeng ilagay sa word na yan. Kasi naman kamo, pwede ka nang makipagkaibigan in the comfort of your pajamas kahit na tatlong araw ko nang itong pink Pajamas ko.

Noong una, MIRC. Pagkatapos, group sending sa email. Pagkatapos, YM. Kakaunti pa ang may YM noong panahon ni Mahoma. Mayron ding webchat na doon ko pa kinarir ang aking asawang mahal. Mayron din Chikka text, swabe sa libreng text yan, lalo nat napakamahal ng international phone call. At kung ano ano pa. Noong nadiskubre ko ang FriedSter, nagbukas din ako ng MySFace, pero dalawa kaibigan lang ng limang taon kong bukas na Myspace, kaya onward goes the Friendster. Andito kasi lahat ng mga mahal kong kaibigan, mga kinukulit kong kaaway at mga lilingid lingid na ex.

Kamakailan ko lang na-diskubre ang Facebook. Maganda sya, as in. Hahaha, salitang konyotics yan ah. Puro Kanology naman ang mga kaibigan ko roon. Minsan kasing na-iannounce sa aming simbahan na may samahan raw kami sa Facial Spa na yan, kaya go go go naman akong makisawsaw din. Kaya search nyo lang ako doon kung may Eskinol Facial Book din kayo.

O paano mga kaibigan, sleep muna ang beauty ko, check out nyo muna ang mga kalokohan natin sa http://chocolateword.net. Hanggang sa bukas. Sigurado yan!

Where did all my friends in Friendster go? This has been a recurring question of the day as people check in their account after about 24 hours of maintenance. Is this a glitch? This is a question that many like myself asked. Personally, I do hope this is fixable. Because I have worked years to building the friendslists that I have now. I guess, if this is permanent, I have to learn to ask for email address of my 33 left friends so that I have a back-up contact number in case this happens again. Friendster was the only social networking that I use in a regular basis, but if my friend list will poof into thin air…I don’t know what to do. Maybe invite people in the other social networking site: F_c_B_ok? Or I probably would ask for everyone’s email and just go back to basic emailing. Have noticed also that when the old Friendster blog was tranfered to Wordpress platform that most of the sidebar information and blogroll were zilch. I did not think about it then, now that this mysterious dissappearance of friends reminded me of an earlier incident, this makes me really miffed, well angry is more likely the word, or really really mad. I am thankful to Friendster, I hope you guys who are working for Friendster would see this problem. What’s the use of networking if our networks dissappear into thin air?